ပြည်ထောင်စု

“ကောင်းကင်ယံပေါ်က လေယာဉ်ဗုံးသံတွေကြောင့် နိုင်ငံတော်အလံအောက်မှာ ငါတို့အသက်တွေလောင်းကြေးထပ်ခဲ့ရတယ်..........”

I always pray for our union's peace. Please Stop Civil War

---

ကောင်းကင်ယံပေါ်က လေယာဉ်ဗုံးသံတွေကြောင့်

နိုင်ငံတော်အလံအောက်မှာ ငါတို့အသက်တွေလောင်းကြေးထပ်ခဲ့ရတယ်။

နိုင်ငံတော်သီချင်းထဲမှာပါတဲ့ ငါ"တို့မြေ"ကိုကာကွယ်ဖို့အတွက်

မြင့်မြတ်တဲ့ငါတို့သွေးတွေနဲ့ အချုပ်ခြာအာဏာပိုင်မြေပေါ်မှာ ငါတို့ကိုယ်တိုင် ပက်ဖျန်းပေးခဲ့ကြရတယ်။

ငါတို့ယုံကြည့်တဲ့ပြည်ထောင်စုအတွက်

အာဏာရှင်ခြေရင်းမှာ အညတရဆန်စွာ ငါတို့အသက်တွေပေးလှူခဲ့ကြရတယ်။

အခုလည်း ငါမျှော်လင့်ထားတဲ့ငြိမ်းချမ်းရေးအတွက် ချစ်ခြင်းမေတ္တာတွေ ကိုယ်ချင်းစာတရားတွေဟာ

ဘယ်တော့များမှ ငါတို့နှာခေါင်းပေါက်ဆီလွင့်မျောလာလိမ့်မလဲလို့ စိတ်ကူးယဥ်ကြည့်နေမိတယ်။

သေနတ်ကိုင်ခဲ့ရတဲ့ ငါရဲ့လူသတ်လက်တစ်စုံဟာကြမ်းတမ်းခက်ထန်လှတာကြောင့်

နူးညံ့သိမ်မွေ့လွန်းလှတဲ့ မိခင်ငြိမ်းချမ်းရေးကို

ငါထွေးပွေ့ချင်လှပြီ......................။