ဈာပန

ဒုက္ခတွေပင်လယ်ဝေနေတဲ့ ကျွန်တော့်အခန်းကျဉ်းလေးထဲ

ကျွန်တော်လက်ပစ်မကူးနိုင်ခဲ့ဘူး

အမှတ်တရတွေစိုရွှဲနေတဲ့ ကျွန်တော့်ခေါင်အုံးလေး

ပျော်ရွှင်ခြင်းတွေနဲ့ မပေါင်းဖက်နိုင်ခဲ့ဘူး

တသွင်သွင်စီးကျနေတဲ့ မျက်ရည်စက်တွေ

နံရံတွေပေါ်မှာ တွဲလဲခို

မျက်နှာချက်ပေါ်က သေခြင်းတရား

ကျွန်တော်ယုံကြည်တဲ့ ဘာသာတရား

အိမ်ခေါင်းရင်းက ဘုရားစင်

သစ္စာတရားကို မျက်ကွယ်ပြု

ဒုက္ခတွေပြည့်ကျပ်တဲ့ ကျွန်တော့်အခန်းလေး

မြင်မရနိုင်တဲ့ ဥတ္တရအလင်းတန်းများဆီ

ခိုလှုံစရာ ဒီအိပ်ရာ၊ ကျောချစရာ ဒီမြက်ဖျာ

ဒီဘ၀ ဒီမျှ ဒီနေရာသာ

ကြေကွဲမှုများနဲ့ ကျွန်တော့်အခန်းလေး

ငိုရှိုက်သံတွေ မုန်တိုင်းထန်ခဲ့ပြီ

မုန်းတီးမှုများနဲ့ ကျွန်တော့်အခန်းလေး

ခေတ်က မီးတင်ရှိူ့ခဲ့ကြပြီလေ

အိမ်မက်တွေက အငွေ့တလူလူ

စိတ်ကူးတွေက ပြာအဖြစ်

ကျွန်တော့်ဘ၀ ကျွန်တော့်ဈာပန.......

credit for photo